Riviera Hotel Hartenbos

RIVIERA HOTEL HARTENBOS

Geleë op die oewer van die pragtige Hartenbosrivier, net ’n kort entjie van die strand af, bied Riviera Hotel Hartenbos die perfekte kombinasie van see, natuur en ontspanning. Met mooi uitsigte oor die rivier en maklike toegang tot die strand, is dit ’n ideale bestemming vir ’n gesinsvakansie of naweekwegbreek aan die Tuinroete. Die hotel bied ’n verskeidenheid akkommodasie-opsies – van gerieflike hotelkamers en gesinskamers tot ruim selfsorg-eenhede en woonstelle. Elke eenheid is ingerig vir gemak en gerief, met alles wat jy nodig het vir ’n ontspanne en sorgvrye verblyf.

Daar is geen tekort aan fasiliteite en aktiwiteite nie,ontspan by die swembad langs die rivier, geniet ’n drankie by die kroeg of smul aan lekker etes by die restaurant. Die omgewing bied ook toegang tot strande, visvang, staproetes en verskeie besienswaardighede in die Tuinroete. Verder beskik die hotel oor troue-, konferensie- en funksiefasiliteite, wat dit ideaal maak vir spesiale geleenthede, vieringe en spanbou-geleenthede in ’n pragtige omgewing. Of jy nou lus is vir ’n rustige strandnaweek, ’n gesellige gesinsvakansie of ’n ontspanne wegbreek langs die rivier - Riviera Hotel Hartenbos bied die perfekte plek om te ontspan en onvergeetlike herinneringe te skep.